हल्का हल्का पिएको हुँ

हल्का हल्का लिएको हुँ हल्का हल्का पिएको हुँ
तिमी गयौ मन च्याति त्येइ मनलाई सिएको हुँ

आउछौ तिमी फर्की अबस्य एक दिन यहाँ
एक मात्र आशा राखी आज सम्म जिएको हुँ

पागल भन्छन सानु तिमी बिना यहाँ मलाई
पागल भने पागल सही तेइसैले पिउन हौसिएको हुँ

साथ तिमी छैनउ प्रिया एउटा नशा चाइदो रैछ
तेइ नशाको तिर्खा मेटाउन अलिकती लिएको हुँ

हल्का हल्का लिएको हुँ हल्का हल्का पिएको हुँ
तिमी गयौ मन च्याति त्येइ मनलाई सिएको हुँ !!!

के भयो र ?

के भयो र यौटा साथ, छुट्यो छुट्न दिएँ ।
मन भन्नु शीशा न हो, टुट्यो टुट्न दिएँ ।

दिनु साटो खोस्न मात्रै, जान्यो भाग्यले नि,
अलिकती खुशी थियो, लुट्यो लुट्न दिएँ ।

दोश तिम्रो हो कि मेरो, या त नियतिको,
अन्यौलको भुमरीले भुट्यो भुट्न दिएँ ।

जिन्दगी हो जसो तसो , ज्युँनु पर्छ सोची,
अठोट लिई मन मेरो, उठ्यो उठ्न दिएँ ।

रचना: जितेन्द्र मल्ल

हुन्न

नचाल भो जालीखेल तिम्रो ईच्छा पुरा हुन्न,
नथाल भो मनै भरि कल्पनामा माला उन्न।

जति तिम्ले सोचेकाछौ त्यति कम्जोर छैन हेर,
नढाल भो निर्दोष रुख मैले हिड्ने बाटो थुन्न।

दु:ख पीडा बुझि सकेँ एक्लै बाँच्न सिकि सकेँ
नगाल भो मेरो मन तिम्रो सामु कहिल्यै रुन्न।

मनभित्र कुरा लुकाई मुखले मीठा कुरा गर्छौ,
नफाल भो बोली खेर अब मलाई छैन सुन्न।

कति दिन टिक्छ तिम्रो षड्यन्त्रका जालझेल,
नबाल भो लाख बत्ती थाल अर्कै बाटो चुन्न।

म भन्दिन

माया गर्छु प्रिय बीचमै, छोड्छु भन्दिन ।
पक्का हुन्छ वचन मेरो, तोड्छु भन्दिन ।।

किन गरौं ठूला कुरा, हुनै नसक्ने ।
मन जित्न हिमाल पहाड, फोड्छु भन्दिन ।।

भन्न जस्तो पूरा गर्न, हुन्न सजिलो ।
धर्तीलाई आकाशमा नि, जोड्छु भन्दिन ।।

सक्दिन म झार्न कहिल्यै, जुनतारा नि ।
सागर पनि मरुभूमीमा, मोड्छु भन्दिन ।।

शरीरै हो जाडो गर्मी, हुन्छ निश्चय ।
भुईंमा सुत्छु अनि आकाश, ओढ्छु भन्दिन ।।

दुःख गरे ढुंगो फल्छ, यही माटोमा ।
चन्द्रमामा खेती लगाई, गोड्छु भन्दिन ।।

माथि चड्न लगायौ

माथि चड्न लगायौ चडिदिएँ
तल झर्न लगायौ झरिदिएँ

अधुरो थियो हिजोसम्म बैँस
रातभर भर्न लगायौ भरिदिएँ

पिउन छाडेको कति भो कति
पिई लड्न लगायौ लडिदिएँ

सासले भने साथ छोडेन
तिम्ले मर्न लगायौ मरिदिएँ

नियतिको खाल्डो थियो सामु
मलाई पर्न लगायौ परिदिएँ

तिम्ले आफै फूल उमार्छु भन्यौ
बिउ छर्न लगायौ छरिदिएँ

सम्पुर्ण रुझ्ने चाहना गर्यौ
मन्परि पर्न लगायौ परिदिएँ

किन ??

दोबाटो मै पुगेपछि बाटो अन्तै मोड्यौ किन ??
संगै संगै जिउने बाचा कसम तोड्यौ किन ??
दुइटा मुटु एउटा धड्कन भन्थौ अनु जुनीभरी !!
तर आज यहि मुटुको साथ छोड्यौ किन ??
नछुटिने हाम्रो माया जुनी जुनी भन्थ्यौ सानु !!
आखिरमा अर्कै संग मन मुटु जोड्यौ किन ??

हुन्न माया

कति जिद्दी गर्छौ तिमी रहरले हुन्न माया
रोमै दिन्छु भन्छु सधै सहरले हुन्न माया

सिरदेखि पाऊ तुन्दै नकोर भो गज़ल कुनै
नानाभांती बयान बोक्ने बहरले हुन्न माया

प्यासी बन्दै न आऊ तिमी रसाउदैन ढुंगा सधै
जिती छाड्छु भन्ने तिम्रो ठहरले हुन्न माया

होला तिमीलाई देखाउनु छ प्रेम जोडी दुनियालाई
होडबाजी चल्ने यस्तो लहरले हुन्न माया

दे'को हैन वचन मैले घात ठान्दै पियौ जहर
बुझ्नुपर्थ्यो तिमीले पहिलै जहरले हुन्न माया

तिमी भन्थ्यौ

दुनिंयाँ ले डाहा गरे बसाइ अन्तै सार्छु भन्थ्यौ,
तिमीलाई पाए भने सबको माया मार्छु भन्थ्यौ ।

आँसु जति मेरो भाग खुसी तिम्रै नाम भयो,
आफु बसि अध्यारोमा उज्यालोमा पार्छु भन्थ्यौ ।

तिमी बिना मेरो जिवन अधुरो र अपुरो छ,
डुब्नु परे मै डुबुला सागर तिमीलाई तार्छु भन्थ्यौ ।

मलाई केथा दैबले नि तिमी माथी आँखा लाछ,
मेरैलागी आफ्ना सबै खराबि लाई खार्छु भन्थ्यौ ।